Язув дерси. 1-Б сыныф.
Аединова Л.Дж.
Мевзу: Рр арифлерини язув. Эджа, сезлер, джумлелерни язув.
Макъсат: талебелерни баш Р ве уфакъ р арифлерни язмагъа огретмек. Айыры ве башкъа арифлернен язув.
Планлаштырылгъан нетиджелер:
Предмет нетиджелери: сес-эджа талиль къабилиетлерини мукеммелештирмек; дикъкъат, гъайрет, меракъ, язувда джыйнакълыкъ тербиелемек; талебелернинъ нутукъларыны инкишаф этмек.
- [р] сеси ве «Рр» арифлеринен таныштырмакъ ичюн шараит яратмакъ;
-[р] сеси сезлернинъ башында, ортасында, сонъунда ишлетильгенини; айырмагъа огретмек;
- сезлерни эджаларгъа больмек, сез талили схемасы ве ургъу ишаретлеринен чалышмакъ;
- балаларнынъ агъзавий нуткъуны инкишаф этмек;
- - эртарафлама окъув вазифелерин шекиллендирмек
Фенлер ара нетиджелер оджанынъ ярдымынен дерсте къоюлгъан макъсатны бельгилемек ве оны шекиллендирмек озюнинъ де арекетлерини шу къоюлгъан вазифелерге эсасланып иланлаштырмакъ, ана тилине, табиаткъа, китап окъумагъа севги ашламакъ;
Шахсий нетиджелер: окъув фаалиетини къазанчлар критерийине бакъып, баа къоюв къалиетине эсасланмакъ керек бунъа къошма оларакъ окъувгъа олгъан севгини сакъламакъ лязим; динълемек ве дигерлернинъ айткъан нуткъыны анъламакъ, эм де озюнинъ фикирлерини агъзавий шекильде ифаде этмеге бильмек.
.Коргезме: Элифбе, ресимлер, эджа джедвеллери,.
Дерснинъ кетишаты:
1. Тешкилий дакъкъа.
Раледе догъру отур
Анда-мында айланма,
Къомшугъа кедер этме,
Оджаны дикъкъатнен динъле!
2. Таянч бильгилерини актуаллештирюв.
- Нутукъ насыл ола? (Агъзавий ве язув. Агъзавий нутукъны биз айтамыз ве эшитемиз, язма нуткъны – коремиз ве язамыз.)
- Нутукъ неден ибарет? (Джумледен)
- Джумле неден ибарет? (Сёзден)
- Сёзлер неден тизиле?(Эджалардан)
- Эджалар сеслерден ибарет.
-Сеслер насыл ола? (Созукъ ве тутукъ)
- Оларнынъ насыл фаркъы бар? (созукъ сеслерни созып айталар, тутукъларны къыскъадан, бизден чыкъкъан ава чешит маниаларгъа расткеле)
- Созукълар насыл ола? (Индже ве къалын)
- Насыл арифлер сес бильдирмей? (ъ,ь)
Оюн « Насыл ариф сакъланды?»
Окъув дерсте танышкъан ариф устюнде чалышув. Эджаларны окъув ве сезлер тизюв.
Оюн «Арифлер къарышкъан»(Арифлер арасында йип ве йылдыз сезлерини тапув ве талиль этюв).
Язувгъа азырланув. Физдакъкъа.
Пармакъ гимнастикасы. Раледе догъру отурув ве къалемни догъру тутув къаиделерини текрарлав.
3. Янъы мальземени анълатув.
Дерснинъ мевзу ве макъсадыны илян этюв. Окъув меселесини огге къоймакъ. Окъув дерсте биз насыл арифнен таныштыкъ? Язув дерсте не япаджакъмыз? Не огренеджекмиз? Бу ариф насыл сес бильдире?
Сеснинъ характеристикасыны беринъиз. Бу сеснен олгъан сёзлерни айтынъыз.
Уфакъ р арифининъ язылувны талиль этюв ве анълатув.
Уфакъ р арифини язув. Башкъа арифлернен багъланувы. Сезлерни эджалардан тизюв ве язув. (ра – ар, ру –ур, ри – ир, ыр-ры, ро – ор)
Физдакъкъа. « Ишлемеге мен севем», «Оп,оп, девелер….»
Балабан Й арифини язув. Айыры ве башкъа арифлернен язув.
Пармакъ гимнастикасы.
Раледен дефтер алып,
Ренкли къарандаш тапып
Расим ресим япаджакъ
Расим рессам оладжакъ.
4.Ресимге бакъып джумле тизюв. Джумлелернинъ график моделини тизюв.
1. Кер сычан бостанымызны къазып чыкъты. ∟__ __ __ __ .
2. Алиме сепетке еди алма къойды. ∟__ __ __ __ .
3. Бабам дегирменге барып ун тартты. ∟__ __ __ __ .
5. Мустакъиль язув. Дефтердеки вазифелернен чалышув.
Чифтте иш. Йип ве йылдыз сезлерини тизюв ве кочюрип язув.
6. Рефлексия. «Арифни тап» оюны.
Дерсте насыл чалыштынъыз? Сизлер ичюн насыл ариф яни сёз язмагъа къыйын олды?
7. Дерснинъ нетиджесини чыкъарув.
-Насыл арифлерни язмагъа огрендик? Бу арифлер насыл сесни ифаделейлер? Анги арифнинъ язылувына бенъзей? Бу арифлер олгъан сёзлерни айтынъыз.